Konstruksyon ng 6-Storey Mass Comm Bldg. sa PUP sinimulan na ng DPWH
Iniumpisahan na ng Department of Public Works and Highways ang konstruksyon ng anim na palapag na gusali para sa College of Communication ng Polytechnic University of the Philippines.
Ang bagong gusali ay mayroong labing apat na classrooms, dalawang laboratories, isang auditorium, at faculty rooms.
Layunin nito na bigyan ng dagdag na espasyo, kagamitan, at pasilidad ang mga estudyante, guro, at administrative employees ng PUP-COC.
Sa pagbisita sa PUP ni DPWH Secretary Vince Dizon kamakailan, tiniyak nito sa mga mag-aaral at mga guro sa uniberisdad na tututukan ng ahensya ang mga hindi pa natatapos na pasilidad paaralan.
