Bahagi ng tulay na nagdudugtong sa Davao City at Tagum City binuksan na ng DPWH

Bilang paghahanda sa dagsa ng mga motorista sa Semana Santa, binuksan na bahagi ng Tuganay Bridge sa Davao City patungong Tagum City.

Ayon sa Department of Public Works and Highways halos limang taon nang naka-tengga ang northbound lane ng nasabing tulay na nagdulot ng mabigat na daloy ng traffic.

Sinabi ni Public Works Secretary Vince Dizon, malaking ginhawa ang pagbubukas ng bahagi ng tulay sa mahigit tatlumpu’t libong motorista at commuter.

Sa pagbubukas kasi ng bahagi ng tulay ay mas bibilis na ang biyahe mula Davao City papuntang Tagum City. (DDC)