TIGIL-PASADA, IBA PANG AKTIBIDAD PINAGHAHANDAAN NA – MMDA

Nagpatawag ng pulong ang Metro Manila Disaster Risk Reduction and Management Council para talakayin ang mga idaraos na aktibidad sa mga susunod na araw kabilang ang ikinakasang tigil-pasada.

Ayon kay MMDA at MMDRRMC concurrent Chairman Atty. Don Artes, maliban sa tigil-pasada ay pinaghahandaan din ang nakatakdang paggunita sa Eid’l Fitr sa March 20 na deklaradong holiday.

Samantala, mag-dedeploy ng mga tauhan sa mga simbahan simula sa March 29 na Linggo ng Palaspas kung saan inaasahan ang pagdagsa ng mga publiko.

Ayon kay Artes, ang pagtitiyak ng seguridad sa mga simbahan ay tatagal hanggang sa April 5 – Linggo ng Pagkabuhay.

Kasamang tutukan ng MMDA ang daloy ng traffic sa mga lansangan sa palibot ng mga simbahan.

Kabilang din sa tinututukan ng MMDRRMC ang mga aktibidad at deployment para sa ASEAN Summit. (DDC)