Maintenance provider ng MRT-3 sinagot ang mga safety concern sa tren
Tiniyak ng Sumitomo Corporation – ang maintenance provider ng MRT-3 na ligtas ang mga tren ng MRT-3.
Nagpadala ng liham ang Sumitomo kay Department of Transportation acting Secretary Giovanni Lopez para sagutin ang mga safety concern sa mga tren ng linya.
Ayon sa pahayag ng kumpanya, sumasailalim sa komprehensibong maintenance ang buong linya sa loob ng beinte kwatro oras, pitong araw sa isang linggo.
Ito ay para masiguro ang kaligtasan at komportable ang mga pasahero.
Siniguro din ng Sumitomo ang patuloy na ugnayan nito sa DOTr at sa pamunuan ng MRT-3 para sa pagsasagawa ng system maintenance ng linya. (DDC)
