LRT-1 tigil-operasyon mula Apr. 2 hanggang 5

Sasailalim sa maintenance activities ang mga tren ng LRT-1 sa Holy Week.

Sa abiso ng Light Rail Manila Corporation o LRMC, walang operasyon ang LRT-1 sa April 2 hanggang April 5.

Sa nasabing mga araw magsasagawa ng masusing inspeksyon at kinakailangang system upgrades sa buong linya.

Ito ay para matiyak na nasa maayos na kalagayan ang buong linya ng LRT-1 para sa kaligtasan ng lahat ng mga pasahero.

Balik-normal ang operasyon ng LRT-1 sa April 6 araw ng Lunes.

Nauna nang nag-anunsyo din ng kanilang Holy Week maintenance ang LRT-2 at ang MRT-3. (DDC)