Manual Counting para sa 2028 elections peke ayon sa Comelec
Hindi totoo ang mga kumakalat na post sa Facebook na nagsasabing isinusulong umano ng Commission on Elections ang pagsasagawa ng manual counting sa 2028 National and Local Elections.
Ayon sa poll body, walang ganitong pahayag si Comelec Chairman George Erwin Garcia.
Paglilinaw ng Comelec, tumatalima ito sa mga umiiral na batas panghalalan.
Nagpaalala din ang poll body sa mga nagpapakalat ng peke at nakaka-alarmang impormasyon tungkol sa halalan na itinuturing itong election offense sa ilalim ng Omnibus Election Code. (DDC)
