Pagsakay sa MRT-3 nananatiling ligtas – DOTr

Sinagot ng Department of Transportation at ng MRT-3 management ang paratang na binanggit sa vlog ni Kamanggagawa Partylist Rep. Eli San Fernando at ng ilang miyembro ng MRT-3 Employees Association.

Ayon sa statement ng DOTr, nananatiling ligtas ang MRT-3 para sa lahat ng mga pasahero, taliwas sa sinasabi sa vlog hindi ligtas sakyan ang four-car trains ng rail line.

Paliwanag ng ahensya, ang lahat ng train sets ng MRT-3 ay dumadaan sa masusing technical evaluation.

Ayon pa sa pahayag ang signaling system ng MRT-3 ay may kakayahang suportahan ang apat na bagon na tumatakbo mula North Avenue hanggang Taft Avenue at pasado ito sa
pagsusuri ng International rail consultant na SYSTRA.

Una nang Nanawagan si San Fernando na sibakin sa pwesto si MRT-3 General Manager Michael Capati dahil sa isyu ng kaligtasan sa rail line at umano ay labor abuses. (DDC)