Pag-waive sa transaction fee ng GCash ipatutupad sa tatlo pang bansa sa Middle East
Tatlong bansa pa ang idinagdag ng e-wallet app na GCash para sa ipinatutupad nitong waiver sa transaction fee ng mga Pinoy sa Middle East.
Ayon sa pahayag ng GCash, hindi na rin muna maningingil ng fee para sa mga GCash transaction ng mga Pinoy na nasa Israel, Lebanon, at Jordan.
Una na itong ipinatupad ng GCash sa UAE, Saudi Arabia, Qatar, Kuwait, Oman at Bahrain.
Aplikable ang fee waiver sa isinasagawang Bank Transfers, Buy Load, at Pay Bills transactions para sa lahat ng mga Pinoy na fully verified GCash users sa nabanggit na mga bansa.
Tatagal ang transaction fee waiver hanggang sa March 31. (DDC)
