Singil sa tubig ng Maynilad at Manila Water tataas din

Kasunod ng pagtaas ng presyo ng langis at singil sa kuryente, sunod nang tataas ang singil sa tubig ng Maynilad at Manila Water.

Ayon sa Metropolitan Waterworks and Sewerage System pinayagan ng kanilang board of trustees ang pagpapatupad ng foreign currency differential adjustment para sa April to June period.

Batay sa desisyon ng MWSS, tataas ng 9 centavos per cubic meter ang singil ng Maynilad.

Ito ay para sa mga customer sa West Zone sakop ang labingpitong lungsod at bayan sa Metro Manila at Cavite.

Habang ang Manila Water ay magtataas ng 4 centavos per cubic meter.

Sakop naman nito ang East Zone kabilang ang bahagi ng Marikina, Pasig, Makati, Taguig, Pateros, Mandaluyong, San Juan, bahagi ng Quezon City at Maynila at ilang mga bayan sa Rizal. (DDC)