Baybayin ng Zamboanga, Eastern Samar at Pangasinan positibo
May presensya pa rin sa nakalalasong Red Tide sa baybaying dagat sa ilang bahagi ng Zamboanga, Eastern Samar at Pangasinan.
Ayon sa abiso ng Bureau of Fisheries and Aquatic Resources o BFAR, ang mga sinuring shelfosh sa baybayin ng Dumanquillas Bay sa Zamboanga del Sur; Tantanang Bay sa Zamboanga Sibugay Province; Matarinao Bay sa Eastern Samar; at sa Coastal waters ng Bolinao at Anda, Pangasinan ay positibo sa Paralytic Shellfish Poison.
Dahil dito sinabi ng BFAR na lahat ng uri ng shellfish kabilang ang alamang na makukuha sa nasabing mga lugar ay hindi ligtas kainin.
Samantala, ang mga isda, pusit, hipon, at alimango na makukulekta sa nasabing mga baybayin ay maaari namang kainin basta’t tiyakin lamang na mahuhugasan at lulutuing mabuti. (DDC)
