P27M na halaga ng shabu na itinago sa roller machine nadiskubre sa Pasay

Aabot sa halos P27 million na halaga ng shabu ang nadiskubre ng Bureau of Customs sa warehouse sa Pasay City.

Ang abandonadong parcel ay idineklarang naglalaman ng hotdog roller machine.

Gayunman, nang isailalim ito sa physical examination ay natuklasan ang mga nakatagong ilegal na gamot na halos apat na libong gramo ang bigat.

Ayon sa BOC ang kargamento na galing sa Malawi ay naka-address sa isang consignee sa Pasig City.

Nai-turnover na sa Philippine Drug Enforcement Agency ang mga kontrabando para sa pagsasagawa ng imbestigasyon upang matukoy kung sino ang nagmamay-ari nito. (DDC)