China nakatakdang maglunsad muli ng rocket

Naglabas ng paalala ang Philippine Coast Guard kaugnay ng nakatakdang paglulunsad muli ng Long March 8A Rocket ng China.

Ayon sa abiso, isasagawa ang rocket launch mula sa Hainan International Commercial Launch Center sa pagitan ng 3:40 at 4:16 ng umaga ng March 13 oras sa Pilipinas.

Kaugnay nito ay pinag-iingat ang mga mangingisda at mga residente sa posibleng pagbagsak ng debris ng rocket.

Kabilang sa tinukoy na drop zones ang bahagi ng El Nido at Puerto Princesa, Palawan at ang Patag Island.

Gayundin ang bahagi ng Hadji Muhtamad, Basilan; Pangutaran Island, Sulu; at ang bahagi ng Tubbataha Reefs Natural Park.

Paalala ng Coast Guard, sa mga mangingisda at mga residente, sakaling makakita ng hinihinalang debris, huwag itong lalapitan o gagalawin dahil maaaring nagtataglay ito ng toxic substances. (DDC)