Higit 1,000 na pasahero apektado ng cancelled flights sa Siargao dahil sa LPA

Umabot sa mahigit isang libong pasahero ang naapektuhan dahil sa mga kinanselang biyahe ng eroplano sa Siargao bunsod ng epekto ng Low Pressure Area.

Ayon sa Civil Aviation Authority of the Philippines dahil sa sama ng panahon, labinganim na flights ang nakansela ngayong Martes, March 10.

Kabilang dito ang mga flight ng CEBGO, Sunlight Air at PALEX.

Sa kabuuan aabot sa one thousand one hundred forty na mga pasahero ang apektado.

Pinayuhan ng CAAP ang mga pasahero na makipag-ugnayan sa airline companies para sa rebooking arrangements at iba pang travel assistance.

Noong Lunes sinabi ng CAAP na dalawampu’t limang biyahero ang namalagi magdamag sa Pre-Departure Area ng Siargao Airport makaraang makansela din ang kanilang biyahe dahil sa sama ng panahon. (DDC)