Utay-utay na oil price hike walang silbi ayon sa grupong BAYAN
Para sa grupong Bagong Alyansang Makabayan, wala ring silbi ang utay-utay na pagpapatupad ng dagdag sa presyo ng produktong petrolyo.
Dahil sa pagsirit ng presyo ng produktong petrolyo sinabi ng grupong BAYAN na aasahan na ang domino effect at sunod ding tataas ang pamasahe, presyo ng pagkain, at serbisyo.
Sa pahayag ng grupo sinabi nitong proteksyon ang kailangan ng mga motorista at mga consumer sa epektong dulot ng krisis sa Gitnang Silangan.
Kailangan din umanong gumawa na ng pangmatagalang solusyon ang gobyerno.
Kabilang dito ang patanggal sa Value Added Tax sa langis at i-regulate ang presyuhan nito sa pamamagitan ng pagbasura sa Oil Deregulation Law. (DDC)
