Pag-iral ng La Niña natapos na – PAGASA

Inanunsyo ng PAGASA ang pagtatapos ng pag-iral ng La Niña kasunod ng indikasyon ng pagbabalik ng El Niño Southern Oscillation – neutral levels.

Ayon sa PAGASA, batay sa mode forecasts, ang ENSO-neutral conditions ay iiral hanggang June–July–August 2026 season.

Sa kabila naman ng pagtatapos ng pag-iral ng La Niña sinabi ng weather bureau na ang ibang weather at climate systems ay maaari pa ding magdulot ng pag-ulan sa bansa.

Ang mga weather system na ito ay maaaring magdulot ng hanggang sa malakas na pag-ulan at pwedeng magresulta ng flash floods at rain-induced landslides.

Pinaalalahanan ang publiko na patuloy na i-monitor ang mga abiso tungkol sa lagay ng panahon. (DDC)