DMW staff sa Bahrain pinababalik sa bansa matapos ang maling pagtrato sa mga OFW

Iniutos ni DMW Secretary Hans Leo Cacdac ang pag-recall sa empleyado ng Migrant Workers Office sa Bahrain na nag-viral dahil sa hindi magandang pagtrato sa mga OFW.

Tinawag ni Cacdac na “highly disrespectful” ang ipinakitang asal ng empleyado.

Tiniyak din ni Cacdac ang patuloy na pagsisilbi sa mga OFW ng may respeto, may sipag at mapagpakumbaba.

Sa viral video, pinaalis umano ng empleyado ng MWO ang ilang OFWs na nasa labas ng embahada.

Maririnig sa video na humihingi ng tulong ang mgaPinoy na apektado ng tensyon sa Middle East.

Dinig din ang pahayag ng MWO employee nang sabihin nitong “magsumbong na lang ang mga Pinoy sa gusto nilang pagsumbungan dahil walang pondo ang opisina. (DDC)