Modern Technology hamon sa mga manggagawa – PBBM

Hinikayat ni Pangulong Ferdinand Marcos Jr., ang mga manggagawang Pilipino na pagbutihin pa ang kakayahan sa gitna ng hamong kinakaharap dahil sa paglaganap ng makabagong teknolohiya.

Ayon sa pangulo, maituturing na hamon para sa mga manggagawa ang mabilis na pag-develop ng mga makabagong teknolohiya gay ana lamang ng AI.

Sa kaniyang pagdalo sa launching ng “Trabaho at Negosyo”, sinabi ng pangulo na ang na-develop na kaalaman sa industriya sa nakalipas na isang dekada ay maaaring hindi na angkop sa ngayon.

Sa kabila nito naniniwala si Pangulong Marcos na kayang makasabay ng mga Pinoy sa modern technology dahil kilala tayo sa pagiging madiskarte at maabilidad.

Sa halip na maging hadlang ang makabagong teknolohiya, hinikayat ng pangulo ang mamamayan na gamitin ito para magtagumpay sa buhay. (CY)