PBBM biyaheng New York sa March 9 at 10

Ipapanawagan ni Pangulong Ferdinand Marcos Jr. ang kapayapaan sa Gitnang Silangan sa kaniyang nakatakdang pagbisita sa New York sa March 9 at 10 para dumalo sa United Nations General Assembly o UNGA.

Ayon kay DFA spokesperson Assistant Secretary Angelica Escalona, ang UN ang pinakaangkop na lugar upang manawagan si Pangulong Marcos para sa kapayapaan sa Middle East.

Nakatakdang magsalita ang pangulo sa sesyon ng Commission on the Status of Women at sa special session ng UN General Assembly.

Ayon kay Escalona, sa dalawang pulong na dadaluhan ng pangulo ay mananawagan ito para sa kaligtasan ng mga kababayan nating Pilipino na naiipit sa giyera.

Makakasama ng pangulo sa biyahe sina First Lady Liza Araneta-Marcos; Secretary of Foreign Affairs Maria Theresa Lazaro; Secretary of Migrant Workers Hans Leo Cacdac; at iba pang mga opisyal. (DDC)