Pami-pamilyang lumikas sa Montevista patuloy na sinusuportahan ng DSWD FO-11

Tuloy-tuloy ang suporta ng DSWD XI – Davao Region sa mga lumikas na pami-pamilya sa Montevista, Davao de Oro matapos maapektuhan ng baha dulot ng shear line nitong Linggo, Pebrero 22.

Tiniyak ng ahensiya na may sapat na suplay para sa mga apektadong pamilya habang hindi pa sila makabalik sa kanilang mga tahanan.

Organisado ang isinagawang pamamahagi ng mga Angels in Red Vests mula sa DSWD FO-11 at maayos na koordinasyon sa lokal na pamahalaan, kung saan umabot sa 324 internally displaced persons (IDPs) mula sa mga evacuation sites ng Barangay Gymnasium at Barangay Tapia ang tumanggap ng tig-iisang family food packs (FFPs) na sasapat sa ilang araw na konsumo ng kanilang mga pamilya.

Ang inisyatibang ito ay alinsunod sa direktiba ni Pangulong Ferdinand R. Marcos Jr. para masigurong walang pamilyang kakalam ang sikmura sa gitna ng nararanasang sama ng panahon. (Bhelle Gamboa)