Pag-atake ng King Cobra sa Region 12 napapadalas
Pinag-iingat ng Department of Environment and Natural Resources ang mga residente sa napapadalas na pag-atake ng King Cobra o Banakon sa Cotabato at iba pang probinsya sa Region 12.
Ayon sa DENR-SOCCSKSARGEN, ang BANAKON ay karaniwang nasa breeding season mula Enero hanggang Abril.
Sa ganitong panahon ay mas madalas umanong makita, mas agresibo at mas protective sa kanilang lugar ang mga King Cobra.
Paalala ng DENR sa publiko, umiwas at huwag lalapit o istorbohin ang ahas.
Iwasan ang mga lugar na maaari nilang tirahan gaya ng makakapal na damo, may tambak na kahoy o basura, palayan, at sa kanal o ilog na may damo.
Sakaling may makitang King Cobra, agad itong i-report sa DENR o sa barangay. (Dona Dominguez-Cargullo)
