Sandamakmak na basura nahakot sa estero sa Pateros

Samu’t saring mga basura ang nahakot ng Metropolitan Manila Development Authority bahagi ng Sta. Ana Creek sa Sta. Ana, Pateros.

Sa isinagawang Bayanihan sa Estero nagtulung-tulong ang mga tauhan ng MMDA Flood Control and Sewerage Management Office, Municipal Environment and Natural Resources Office, at mga river warriors mula sa Department of Environment and Natural Resources.

Ayon sa MMDA, kabilang sa mga nahakot na basura ay mga plastic items, sofa, mga sanga ng puno, mga barbed wires, yero, kahoy, at mga bato.

Matapos ang paglilinis sa creek ay magsasagawa naman ng dredging operations sa daluyang tubig.

Panawagan ng ahensiya at LGU sa publiko na iwasan ang pagtatapon ng basura sa mga kanal at daluyang-tubig at pairalin lagi ang disiplina. (Dona Dominguez-Cargullo)