Shabu nadiskubre sa 2 abandonadong packages sa warehouse sa NAIA Complex

Aabot sa higit 22.9 million pesos na halaga ng shabu ang nadiskubre sa dalawang inabandonang packages sa OBC Warehouse sa NAIA Complex sa Pasay City.

Sa ikinasang operasyon ng Customs katuwang ang PDEA at NAIA Inter-Agency Drug Interdiction Task Group binuksan ang dalawang abandonadong packages na kapwa idineklarang naglalaman ng CCTV kits.

Sa isinagawang laboratory examination mula sa kinuhang samples, nakumpirmang shabu nga ang laman ng mga package na aabot sa higit 3,000 grams ang bigat.

Ang unang package ay galing ng Malawi, Africa habang ang isa ay galing sa Johannesburg, South Africa.

Sa datos ng BOC, umabot na sa mahigit 478 million pesos na halaga ng ilegal na gamot ang nakumpiska ng ahensya sa NAIA ngayong taon. (Dona Dominguez-Cargullo)