Mga motorista inabisuhan sa mararanasang pagbagal sa daloy ng traffic sa Elliptical Rd. sa Feb. 21

Magkararanas ng pagbagal sa daloy ng trapiko sa kahabaan ng Elliptical Road sa Sabado ng hapon February 21.

Ito ay dahil sa inaasahang pagdagsa ng mga manonood sa People Power @40 sa Quezon City na gaganapin sa Quezon Memorial Circle.

Ayon sa abiso ng QC LGU, magsisimulang magsikip ang daloy ng traffic sa lugar alas kwatro ng hapon.

Tiniyak naman ng LGU na magtutulungan ang mga tauhan ng Traffic and Transport Management Department, Department of Public Order and Safety, Task Force Disiplina, Quezon City Police District, at Metropolitan Manila Development Authority para maisaayos ang daloy ng traffic.

Pinapayuhan ang mga motorista na dumaan sa mga alternatibong ruta upang hindi maabala. (DDC)