324 job applicants nagkatrabaho sa in-house job fair ng PESO Las Piñas

Umabot sa 324 na job applicants mula sa Las Piñas City ang nabigyan ng mga opotunidad sa trabaho sa ginanap na in-house job fair ng Public Employment Service Office (PESO) ng lungsod sa pangunguna ni PESO Manager Mr. Red Garcia.

Sa kabuuang bilang, 123 na lalaki at 201 na babae ang nagparehistro para sa recruitment activities na isinagawa ngayong buwan. Sa nasabing bilang, 37 aplikante ang hired-on-the-spot.

Kabilang sa mga kumpanyang nakilahok ang Zensho, Ace Hardware, Mega I.N.T.E.L., INT Logistics and Manpower, Promosphere Inc., SM Supermarket, at Perlin Unlimited.

Patuloy ang pagsuporta ng Pamahalaang Lungsod ng Las Piñas, sa pamumuno nina Mayor April Aguilar at Vice Mayor Mel Aguilar, sa mga programang nagbibigay ng trabaho at kabuhayan sa mga residente, bilang bahagi ng layuning mapalawak ang oportunidad at mapalakas ang lokal na ekonomiya. (Bhelle Gamboa)