3 pang bangkay mula sa MV Kirsten 3 narekober sa Basilan

Umakyat na sa apatnapu’t tatlo ang bilang ng naitalang nasawi mula sa lumubog na MV Kirsten 3.

Ayon sa Philippine Coast Guard tatlong bangkay pa ang narekober sa nagpapatuloy na search and rescue operations sa katubigan ng Baluk-Baluk Island sa Basilan.

Unang narekober ang katawan ng isang biktima gamit ang rigid-hulled inflatable boat ng BRP Melchora Aquino.

Kasunod ito ay nakita naman ang dalawa pang katawan sa bahagi ng Mataja, Island sa Basilan.

Ayon sa Coast Guard nananatili sa three hundred sixteen ang bilang ng mga nakaligtas sa trahedya. (Dona Dominguez-Cargullo)