Kano na wanted sa kasong rape sa US timbog sa Lucena City

Inaresto ng mga tauhan ng Bureau of Immigration – Fugitive Search Unit ang isang American national na wanted sa iba’t ibang sexual crimes sa US kabilang ang kasong rape.

Ayon kay BI Commissioner Joel Anthony Viado, nadakip ang dayuhang suspek na si alyas “Jan”, singkwenta’y sais anyos sa Barangay Mayao, Lucena City.

Ang dayuhan ay subject ng warrant of arrest na inisyu ng Superior Court of Washington for King County noong pang 2024 sa mga kasong Rape in the Second Degree, Rape of a Child in the Third Degree at iba pang mga krimen.

Binawi na din ng U.S. Department of State ang kaniyang pasaporte kaya isa na siyang undocumented alien.

Mananatili muna sa Warden Facility ng BI ang dayuhan habang inaayos ang deportation proceedings laban sa kaniya. (Dona Dominguez-Cargullo)