Deputy Representative Minister ng TECO sinubukang sumakay ng MRT-3

Positibo ang feedback ni Deputy Representative Minister Michael Lee ng Taipei Economic and Cultural Office in the Philippines o TECO sa unang pagkakataon na pagsakay niya sa MRT-3.

Sa kasagsagan ng rush hour, nagpasya si Minister Lee na sumakay na lang ng MRT-3 sa Araneta–Cubao Station.

Ayon kay Lee, umabot lang ng dalawampung minuto ang kaniyang biyahe hanggang Ayala Station – mas mabilis kumpara sa regular na biyahe niya kapag naka-kotse.

Sa kaniyang obserbasyon, binanggit ni Lee ang magandang disenyo ng MRT-3 at ang pagkakaroon ng cashless payments gamit ang beep card.

Inilarawan ng opisyal ang kaniyang MRT experience bilang “smooth and positive”. (Dona Dominguez-Cargullo)