18 OFWs galing Jeddah nakauwi na ng bansa
Ligtas na nakauwi sa bansa ang labingwalong overseas Filipino workers na galing Jeddah.
Dumating ang mga Pinoy sa NAIA Terminal 1 at sinalubong ng mga kinatawan mula sa Overseas Workers Welfare Administration at Department of Migrant Workers.
Ang nasabing mga Pinoy ay nag-avail ng repatriation program ng pamahalaan.
Bilang bahagi ng standard assistance ng OWWA, isinailalim sila sa immigration assistance at nakatanggap ng food packs, financial assistance, at transport support.
Ang mga uuwi naman sa lalawigan ay binigyan ng pansamantalang accommodation habang inaasikaso ang pagbiyahe sa kani-kanilang probinsya. (DDC)
