Red Cross katuwang ng DOH sa Nationwide Ligtas Tigdas campaign
Tutulong ang Philippine Red Cross sa nationwide Ligtas Tigdas campaign ng Department of Health na target mabakunahan ang mga bata laban sa sakit na measles at rubella.
Ang Phase 1 ng programa ay tatagal hanggang February 13, 2026 sakop ang Mindanao at ang Bangsamoro Autonomous Region in Muslim Mindanao habang ang Phase 2 ay ipatutupad sa Luzon at Visayas sa June 2026.
Sa unang phase ng programa, target mabakunahan ang nasa limampung libong mga bata.
Ayon sa Red Cross, animnapu’t anim na vaccination teams na binubuo ng Red Cross staff at volunteers ang tutulong sa pagbabakuna sa mga bata.
Hinikayat ng Red Cross ang mga magulang na dalhin ang kanilang mga anak na edad lima pababa na dalhin sa pinakamalapit na vaccination sites. (DDC)
