Usapin sa Grok naresolba na – DICT
Tinanggap ng Department of Information and Communications Technology ang paliwanag ng kumpanyang “X” maging ang mga ipatutupad nitong corrective actions sa Grok.
Sa impormasyon na ipinarating ng X sa DICT, tiniyak nitong natugunan na ang misuse issue sa Grox at gagawin ang lahat upang hindi na ito maulit pa.
Una nang kinumpirma ng DICT na umapela sa pamahalaan ang kumpanyang X na platform owner ng Grok para talakayin ang isyung nagagamit ang AI technologies sa pang-aabuso, exploitation at iba pang maaaring magdulot ng kapahamakan.
Tiniyak naman ng DICT na patuloy itong makikipag-ugnayan sa X para masigurong nakasusunod ito sa Philippine laws at nakapagtatakda ng karampatang hakbang bilang proteksyon sa mga users.
Magkakaroon pa ng pulong ang DICT, National Telecommunications Commission, at ang Cybercrime Investigation and Coordinating Center sa kumpanyang X upang isapinal ang pagbabalik sa normal ng operasyon ng Grok sa Pilipinas. (DDC)
