Labi ng OFW sa Abu Dhabi nakauwi na sa bansa

Dumating na ngayong araw sa PAL Cargo ang labi ni overseas Filipino worker (OFW) Mary Jill Muya ayon sa ulat ng Overseas Workers Welfare Administration (OWWA).

Si Muya ay natagpuang wala nang buhay sa loob ng kanyang silid noong Disyembre 31, 2025 sa Abu Dhabi.

Ang labi ng OFW ay agad na dinala patungong Iloilo upang doon iburol.

Tinitiyak ng OWWA at Department of Migrant Workers (DMW) na patuloy ang koordinasyon at pagbibigay ng kaukulang tulong sa pamilya ni Mary Jill sa gitna ng kanilang pagdadalamhati.

Patuloy na naninindigan ang ahensya sa pagbibigay ng malasakit, suporta, at tulong sa mga OFWs at kanilang pamilya, lalo na sa panahon ng pangangailangan. (Bhelle Gamboa)