3,209 Wanted Persons nadakip ng SPD sa 2025 Crackdown

Umabot sa kabuuang 3,209 na wanted persons ang naaresto ng Southern Police District (SPD) sa maigting na pagsasagawa ng district-wide manhunt nito magmula January 1 hanggang December 31, 2025.

Ayon sa SPD, nadakip ng operatiba ang dalawang National, 35 Regional, 82 District, at 513 Station-level wanted persons, kasama ang 755 Most Wanted Persons at 1,822 iba pang Wanted Persons. Ang tagumpay na ito ay resulta ng tuloy-tuloy na police visibility, intelligence-driven operations, at disciplined coordination sa mga SPD units.

Patunay ito na nakatuon ang SPD sa pagpapatupad ng alituntunin ng batas,pagtiyak na ang mga pinaghahanap ng batas ay matunton at mahuli kahit anumang oras o lugar.

Ang pagpapanatili sa manhunt ay nagpapalakas din sa kumpiyansa ng publiko sa mga tagapagpatupad ng batas at pagpapatibay ng pananagutan sa lahat ng lebel ng operasyon.

“These results show what focused leadership and sustained police work can accomplish. Our personnel remained persistent throughout the year to ensure that wanted persons were brought before the courts and communities remained safe,” pahayag ni SPD District Director BGen Randy Y. Arceo.

Sinisiguro ng SPD sa publiko na magpapatuloy ang maigitng na manhunt operations bilang bahagi ng kanilang misyon na panatilihin ang kapayapaan, kaayusan at kaligtasasn ng publiko sa buong Southern Metro Manila. (Bhelle Gamboa)