Senior citizens sa Las Piñas City bumida sa Gandang Lola at Poging Lolo 2025
Muling bumida sa rampahan at nagpakitang-gilas ang mga senior citizens sa ginanap na 2nd Season ng Gandang Lola at Poging Lolo 2025 sa Aguilar Sports Complex, Barangay Pilar, Las Piñas City.
Nasa16 na magagandang lola at 16 na poging lolo mula sa iba’t ibang barangay ng Las Piñas ang nagtagisan.
Hindi lang ito isang paligsahan, ito’y selebrasyon ng sigla at talento na hatid ng ating mga lola at lolo na patuloy na gumagabay sa pamilyang Las Piñero.
Sa mainit na suporta ng kani-kanilang barangay, nakapasok sa TOP 10 Poging Lolo ang Talon Uno, Talon 5, Talon 4, Pilar, Pulanglupa 2, CAA/BF International, Ilaya, Pamplona Uno, Talon 2, at Pamplona 3.
Hindi rin nagpahuli ang ating mga reyna sa TOP 10 Gandang Lola mula sa Talon Dos, Pamplona Tres,
CAA/BF International, Talon 5, Talon 3, Pilar, Talon Uno, Ilaya, Pulanglupa Uno, at Pamplona Uno.
Nag-uwi ng Minor Awards ang ilan sa mga kalahok:
• Mr. Friendship – Poging Lolo ng Almanza Dos, Francis Reyes
• Darling of the Crowd – Gandang Lola ng Pamplona Uno, Sonia Barcebal
• Best in Formal Attire – Poging Lolo ng Talon Dos, Danilo Domongo
• Best in Evening Gown – Gandang Lola ng Pamplona Uno, Sonia Barcebal
Itinanghal ang Top 3 Gandang Lola mula Pamplona Uno, Talon Uno, at CAA/BF International.
Nanalo naman sa Top 3 Poging Lolo ang mga kalahok mula Pamplona 3, Talon 2, at Talon Uno.
Narito ang mga opisyal na nagwagi:
👑 Gandang Lola 2025 – Josephine Concepcion, Barangay CAA / BF International
👑 Poging Lolo 2025 – Antonio Agaser, Barangay Talon Uno
🏅 1st Runner Up
• Gandang Lola – Sonia Barcebal, Barangay Pamplona Uno
• Poging Lolo – Danilo Domingo, Talon Dos
🏅 2nd Runner Up
• Gandang Lola – Beth ola, Barangay Talon Uno
• Poging Lolo – Pamplona 3
Sa patuloy na pagsuporta ng Pamahalaang Lungsod at ni Mayor April Aguilar sa mga proyekto para sa ating mga nakatatanda, nananatiling buhay ang adbokasiya na gawing inklusibo, masaya, at aktibo ang buhay sa Las Piñas. Ang kanilang talento at puso ay dapat ipinagdiriwang dahil sila ay haligi ng pamilya at komunidad.
Patunay na sa Las Piñas, walang pinipiling edad ang saya at pagmamahal sa buhay. (Bhelle Gamboa)
