Bilang ng mga pamilyang apektado ng pag-aalburuto ng Bulkang Kanlaon umabot na sa mahigit 18,000

Umabot na sa mahigit 68,000 na katao o mahigit 18,000 na pamilya ang naapektuhan ng pag-aalburuto ng Kanlaon Volcano.

Ayon sa progress report ng Department of Social Welfare and Development (DSWD), sa nasabing bilang, mahigit 8,200 na katao pa o mahigit 2,500 na pamilya ang nananatili sa mga evacuation center sa Regions 6 at 7.

Umabot na sa mahigit 154 million pesos ang halaga ng tulong na naipamahagi ng DSWD sa mga naapektuhan.

Mayroon pang naka-standby na mahigit 2.9 billion pesos na halaga ng food at non-food items ang DSWD para maipamahagi sa mga apektadong lalawigan.

Nananatiling nakataas ang Alert Level 3 sa Bulkang Kanlaon. (DDC)