Serbisyo ng Smart naibalik na sa normal

Tiniyak ng Smart Communications na naibalik na sa normal ang serbisyo nito.

Ito ay kasunod ng naranasang network problem ng kanilang mga subscriber Miyerkules (Sept. 18) ng gabi.

Ayon sa pahayag ng Smart, alas 2:00 ng madaling araw ng Huwebes (Sept. 19) nakumpleto na ang repair at naibalik na sa normal ang kanilang serbisyo.

Pinayuhan ang mga subscriber na i-refresh ang kanilang koneksyon at i-restart ang kanilang device.

Maraming Smart subscriber ang nawalan ng kuneksyon at hindi makagamit ng SMS, call at data services.

Ayon sa Smart nagkaroon ng power problem sa isa nilang pasilidad. (DDC)