Customs may babala sa publiko: smuggled at pekeng COVID-19 vaccines posibleng lumaganap sa merkado

Binalaan ng Bureau of Customs (BOC) ang publiko laban sa posibleng paglaganap ng peke at smuggled na COVID-19 vaccine.

Ayon sa BOC, may inilabas na pahayag ang Europol at US Department of HOmeland Security sa posibilidad na paglaganap ng pekeng COVID-19 vaccine sa merkado.

Ayon sa abiso, organisadong crime groups umano ang nasa likod nito.

Sinabi din sa abiso na sinusubukan nang ikalat sa merkado ng naturang crime groups ang pekeng influenza vaccines.

Paalala ng Customs sa publiko, maging mapagbantay at agad ireport sa pamahalaan kapag may ipinagbibiling bakuna.