Lalaki arestado matapos mahulihan ng P1.2M na halaga ng shabu sa Taguig City
Arestado ang isang tinaguriang high-value individual (HVI) matapos makumpiskahan ng P1,292,000 na halaga ng umano’y shabu sa ikinasang buy-bust operation ng mga tauhan ng Taguig City Police Station Drug Enforcement Unit at Sub-station 9 sa Barangay Wawa sa lungsod.
Kinilala ang suspek na si alyas Otchok, 40-anyos.
Sa ikinasang operasyon nakumpiska ng otoridad ang walong pakete na naglalaman ng tinatayang 190 gramo ng ilegal na droga , puting Flamma Ignition coil box; buy-bust money at weighing scale o timbangan.
Kasalukuyang nakakulong ang suspek sa Station Custodial Facility ng pulisya habang inihahanda ang pagsasampa ng kasong paglabag sa Comprehensive Dangerous Drugs Act of 2002 laban dito. (Bhelle Gamboa)
