Drug den nabuwag sa Marabut, Samar; 3 arestado

Nabuwag ang isang drug den sa ikinasang operasyon sa bayan ng Marabut sa lalawigan ng Samar.

Ikinasa ang buy-bust operation ng pinagsanib na pwersa ng PNP 2nd PMFC, Marabut Police Station at PDEA Region 8.

Nadakip sa nasabing operasyon ang tatlong suspek na kinilalang sina alyas Marla, maintener ng drug den; alyas Iday, employer at si alyas Jet na nadatnan sa drug den.

Nakatakas naman ang co-maintener ng drug den na si alyas Ron.

Nakuha mula sa mga suspek ang 3 sachet ng hinihinalang shabu na nagkakahalaga ng P128,525 at mga drug paraphernalia.

Mahaharap ang mga suspek sa kasong paglabag sa Comprehensive Dangerous Drugs Act of 2022. (Miriam Timan – Infinite Radio Calbayog)