EDSA Roxas Boulevard isinasailalim sa road repair

Isinasagawa ng Department of Public Works and Highways (DPWH) ang rehabilitasyon at pangunahing pagkukumpuni sa Roxas Boulevard EDSA Flyover Southbound at Northbound sa Pasay City upang bigyang daan ang instalasyon ng Expansion Joint na magtatapod ng alas-5:00 ng madaling araw ng November 12.

Ang proyekto ay sinimulan upang tugunan ang lumalalang kondisyon ng expansion joint ng tulay na mahalagang siniserbisyuhan ang lahat ng galaw ng bridge deck.

Pinapaalalahanan ang mga motorista na dumaan sa mga sumusunod na aternatibong ruta:

Ang mga sasakyan patungong Northbound ay maaaring dumaan sa EDSA Flyover Service Road.

Habang ang Mga sasakyan papuntang Southbound ay puwedeng dumaan sa Buendia Flyover Service Road at mag- U-turn sa Buendia patungong Diosdado Macapagal Boulevard.

Naatasang mamahala sa manu-manong pagmamando ng trapiko ang mga traffic personnel mula sa Pasay City City Government at ng Metropolitan Manila Development Authority (MMDA). (Bhelle Gamboa)