CDO City Mayor Klarex Uy inutos na ang pag-aksyon sa magiging epekto ng El Niño
Inatasan ni Cagayan De Oro City Mayor Rolando “Klarex” Uy ang ilang tanggapan sa City Hall na gumawa na ng mga hakbang para maibsan ang epekto ng El Niño sa lungsod.
Partikular dito ang tulong na maaaring ibigay sa mga maaapektuhang magsasaka.
Pinayuhan din ni Uy ang mga residente sa lungsod na iwasan ang labis-labis na heat exposure at uminom ng maraming tubig.
Kamakailan ay nagtaas na ng El Niño Alert ang PAGASA.
Base sa forecast ng PAGASA, ang El Niño ay mararanasan sa bansa sa mga buwan ng Hunyo, Hulyo at Agosto. (DDC)
