Mahigit P1.2M na kontribusyon nalikom ng PNP MIMAROPA, ipinamahagi sa mga pamilyang apektado ng oil spill sa Pola, Oriental Mindoro

Umabot sa mahigit 1.2 million pesos ang nalikom mula sa boluntaryong kontribusyon ng mga police personnel at PNP units ng Police Regional Office MIMAROPA.

Ang paglikom ng kontribusyon ay para mayroong maipangtulong sa mga pamilyang naapektuhan ng oil spill sa Pola, Oriental Mindoro.

Personal nang naibigay ni PRO Mimaropa Regional Director, Police Brigadier General JOEL BARGAMENTO DORIA ang kabuuang 1,250,624 na donasyon sa mga apektadong pamilya.

ANgAng cash ay ibinigay kay Pola Mayor, Hon. Jennifer M. Cruz sa seremonyang idinaos sa New Municipal Building, Brgy. Bayanan.

Nagpasalamat naman si Doria sa lahat ng miyembro ng PNP units sa MIMAROPA sa kanilang pagbibigay ng tulong. (DDC)