Shelter facility para sa mga palaboy bubuksan sa Cainta, Rizal

Nakatakda nang buksan ang isang shelter facility sa Cainta, Rizal na maaaring magamit ng mga palaboy.

Ayon sa Cainta Local Government Unit, ang shelter facility ay bubuksan tuwing 5:00 ng hapon hanggang 6:00 ng umaga kinabukasan.

Maaari itong magamit para matulugan ng mga palaboy sa nasabing bayan.

Ayon kay dating Cainta Mayor Keith Nieto, ang mga tanod ang susundo sa mga palaboy gabi-gabi para dalhin sila sa shelter kung saan puwede silang maligo at matulog.

Mayroon aniyang TV, mga kama, at libre na din ang sabon, shampoo, toothbrush at toothpaste.

Target ng Cainta LGU na maisagawa ang dry run para sa nasabing pasilidad sa susunod na linggo. (DDC)