25 bahay nasunog sa Cebu City
Tinupok ang 25 bahay sa sunog na naganap sa isang residential area sa Brgy. Labangon Cebu City araw ng Miyerkules (Jan. 25).
Ayon sa Cebu City Fire Office, nangyari ang sunog sa kahabaan ng Katipunan Street sa Sitio Callejon.
Tinatayang aabot sa mahigit P3.3 million ang halaga ng pinsala ng sunog.
Umabot lamang sa first alarm ang sunog at naideklarang fire out 12:23 ng hapon.
Inaalam pa kung ano ang pinagmulan ng apoy. (DDC)
