Half-day work ipatutupad sa mga korte bukas, Dec. 29
Half-day lamang ang trabaho sa mga korte sa bansa bukas, Dec. 29, 2022.
Sa inilabas na memorandum order ni Supreme Court Acting Chief Justice Marvic Leonen, simula 12:00 ng tanghali ay suspendido na ang pasok at lahat ng aktibidad sa mga korte sa bansa.
Ito ay para magkaroon ng pagkakataon ang mga empleyado ng korte na makauwi ng maaga at makabiyahe para sa pagsalubong sa Bagong Taon.
Hindi naman sakop ng half-day work suspension ang mga court personnel na kailangan para sa pagproseso ng bail, orders of releases at iba pang writs of liberty.
Magbabalik ang normal na operasyon sa Korte Suprema sa Jan. 3, 2023 araw ng Martes. (DDC)
