Convicted drug lord itinuro ni Bantag na nasa likod ng pagpatay kay Percy Lapid
Ilang araw matapos siyang sampahan ng reklamong murder kaugnay ng kasong pagpatay sa brodkaster na si Percy Lapid ay lumantad ang suspendidong BuCor chief na si Gerald bantag.
Sa kaniyang pahayag itinuro ni Bantag ang isang convicted drug lord na siyang nasa likod aniya ng pagpatay kay Lapid o Percival Mabasa sa totoong buhay.
Pinangalanan ni bantag ang isang German Agojo na aniya ay boss ng confessed gunman na si Jpel Escorial at ng umano’y middleman na si Cristito Palaña na una nang tinukoy ng mga otoridad bilang si Crisanto Villamor.
Sa ekslusibong panayam sa kaniyang SMNI, iginiit ni Bantag na hindi siya ang nag-utos para ipapatay si Lapid.
Sinabi ni Bantag na wala siyang choice kundi ang lumantad dahil sa mga panawagan sa kaniya ni Justice Sec. Boying Remulla gayong wala pa namang warrant or arrest na naipapalabas laban sa kaniya. (DDC)
