Petsa ng pagdaraos ng graduation rites itinakda na ng DepEd
Inanunsyo na ng Department of Education (DepEd) ang petsa ng pagdaraos ng graduation rites para sa pagtatapos ng School Year 2021-2022.
Ayon sa DepEd, isasagawa ang End-of-School Year (EOSY) Rites para sa Kindergarten, Grades 6, 10, at 12 learners sa pagitan ng June 27 hanggang July 2, 2022.
Ang tema ngayong taon ay “Gradweyt ng K to 12: Masigasig sa mga Pangarap at Matatag sa mga Pagsubok”.
Sa pagtatapos ng klase ngayong taon, sinabi ng DepEd na kinikilala ang determinasyon na ipinakita ng mga mag-aaral sa kabila ng hamon sa edukasyon na dulot ng pandemya ng COVID-19.
Nakatakdang maglabas ng DepEd Order na naglalaman ng guidelines para sa pagsasagawa ng graduation rites. (DDC)
