Laban sa AGT hindi na maitutuloy ni Jane Marczewski matapos lumala ang kondisyon dahil sa cancer
Hindi na maitutuloy ni Jane Marczewski o mas kilala sa pangalang “Nightbirde” ang kaniyang paglahok sa America’s Got Talent.
Si “Nightbirde” na isang caner patient ay nabigyan ng Golden Buzzer makaraang awitin ang kaniyang orihinal na kanta na “It’s Okay” nang siya ay mag-audition.
Ayon kay “Nightbirde” isang malaking karangalan at dream come true para sa kaniya na maibahagi sa mundo sa pamamagitan ng AGT ang kaniyang talento.
Gayunman, lumala ang kaniyang sitwasyon kaya hindi na niya maipagpapatuloy ang kaniyang laban sa AGT.
Nagpasalamat si “Nightbirde” sa lahat ng sumuporta sa kaniya.
Noong siya ay mag-audition sinabi ni “Nightbirde” na ang kaniyang cancer ay kumalat na sa kaniyang lungs, spine at liver.
