Mga estudyante, guro ng Ateneo de Zamboanga sasailalim sa Psychosocial First Aid – DSWD
Bibigyan ng psychosocial support at psychological first aid ng Department of Social Welfare and Development ang mga estudyante at guro na naapektuhan sa nangyaring insidente ng pamamaril sa Ateneo de Zamboanga University.
Ayon sa pahayag ng DSWD, nakikipag-ugnayan na ang ahensya sa local government unit ng Zamboanga City at sa iba pang ahensya ng gobyerno.
Ang mga social worker ng ahensya ay magbibigay ng psychological first aid sa mga nakaranas ng trauma at distress dahil sa insidente.
Nagpaabot din ng pakikiramay ang DSWD sa pamilya ng mga nasawi. (DDC)
