Customs Police na ama ng estudyanteng namaril sa Ateneo De Zamboanga suspendido na
Pinatawan ng suspensyon ng Bureau of Customs ang Customs Police chief sa Zamboanga City kasunod ng insidente ng pamamaril sa loob ng Junior High School Campus ng Ateneo de Zamboanga.
Ito ay matapos matukoy na anak ng naturang Customs Police ang Grade 8 student na sangkot sa pamamaril.
Kinumpirma ni Customs Commissioner Ariel Nepomuceno nap ag-aaril ng naturang Customs Police ang armas na ginamit ng kaniyang anak batay sa imbestigasyon ng pulisya.
Inatasan din ni Nepomuceno ang mga opisyal ng BOC na makipag-ugnayan sa mga otoridad sa ginagawang imbestigasyon.
Pinasasailalim din ng Customs Chief sa imbentaryo ang lahat ng issued firearms sa mga opisyal at tauhan ng BOC at magsasagawa ng review sa mga polisya tungkol sa gun safety at firearm custody. (DDC)
