P750 na dagdag sa buwanang sahod ng mga kasambahay sa Calabarzon aprubado na

Tataas din ang sweldo ng mga kasambahay sa Calabarzon o Region 4A.

Ayon sa Department of Labor and Employment kasado na ang 7,500 pesos kada buwan na bagong minimum wage para sa mga kasambahay sa rehiyon.

Ito ay matapos aprubahan ang dagdag na 750 pesos sa buwanang sweldo ng mga kasambahay.

Magiging epektibo ito simula Oktubre 26.

Tinatayang humigit-kumulang 201,000 na kasambahay sa Calabarzon ang makikinabang sa dagdag sahod. (DDC)